నీ తలపుల లోగిలి లో ...ఒక్క సారి ...!!!

"ప్రియతమా !
ఒక్క సారి నీ తలపుల లోగిలిలో విహరించ నీయవూ ...?
నీ కనుల వాగులలో జలకమాడి ,
చక్కని నీ చెక్కిలితో సరసమాడి ,
మధురమైన నీ అదరాల పై కమ్మని అనుభూతులను
చిత్రించు కుంటాను ...!
చిరుగాలికే రెపరెపలాడే ,
నీ కురుల చప్పుళ్ళలో స్వచ్ఛమైన సంగీతాన్ని 
ఆలకిస్తాను ...!
ఒక్క క్షణం ... కమ్మనైన నీ పలుకులలో ఒదిగి,
నన్ను నేను ఆప్యాయంగా పలుకరించుకుంటాను ...!

ఒక్కసారి నీ చిరునవ్వుల పరిమళంలో నేను ఒలిగిపోయి ,
ఈ ప్రకృతి అంతా వ్యాపించి గుభాలించిపోతాను ...!
అందుకే ,
ప్రియతమా ఒక్కసారి నీ తలపుల లోగిలిలో విహరించ నీయవూ ...???

శ్రీ సాయి దాస్ 
(సూర్య చవాకుల )