మనిషే దేవుడు

"మనసే మందిరం 
కరుణే దైవం ...!
ఏదేవుడు నిజమైనవాడు ?
హిందూ , ముస్లిం మరియు క్రీస్టియన్ 
ఇది అంతర్జాతీయ ప్రశ్న....!
అనామకుల ఆర్తనాదాలు వినేవాడు ,
అభాగ్యుల ఆకలి బాధలు తీర్చేవాడు ,
కరుణ హస్తాలతో కన్నీటిని తుడిచేవాడు ,
మంచిని నేర్పించేవాడు ,
మానవత్వాన్ని బోధించేవాడు,
పిలిస్తే పలికేవాడు ,
ప్రత్యక్ష రూపుడు 
ఇతరులకోసం జీవించేవాడు 
అన్నిమతాలకు అతీతుడు 
అతడే నిజమైన దేవుడు ....మనిషే నిజమైన దేవుడు ...!!! 





శ్రీ సాయి దాస్ 
(సూర్య చవాకుల )

ఒరిస్సా తీరం

"మేం ఊహలనే వాస్తవాలుగా చిత్రించాం కళింగ రాజ్యంలో ... ఒడిస్సా రాష్ట్రంలో మేం తిలకించిన విచిత్రాలెన్నో 

తీరం తెలియని 'చిలుక' (చిల్కా) సరస్సుసుస్వాగతం పలికింది ...!

రాతి కొండలపై  ఉదయించిన సూర్యుని ఉషస్సు ఆహ్లాదం కలిగించింది ...!

కోణార్క్ లో శిధిలమైనా , నేటికీ జీవమున్న సూర్య దేవుని ఆలయం ,

భువనేశ్వర్ లో అడుగడుగునా లింగరాజు నిలయం
 పూరీ జగన్నాధుని రధ చక్రాలపై మేం వీక్షించిన సౌందర్య దృశ్యాలు
 ఉత్తర రీతిలో నిర్మించిన ఆ ఆలయాలు గాంగరాయుల కీర్తికి 
ప్రతిరూపాలు ...!!!"

శ్రీ సాయి దాస్

(సూర్య చవాకుల) 

గాయం

"పదునైన చిరునవ్వుతో ...
నాలో నిశ్చలత్వానికి 'గాయం' చేశావు ...!
కవ్వించే చూపులతో ...
నా మౌనానికి 'గాయం' చేశావు ...!
మృదువైన స్పర్శతో నా తనువుకు 'గాయం' చేశావు ...!
కలనైనా ఒక్క క్షణం నిర్లక్ష్యంతో... 
అర్ధంకాని ప్రవర్తనతో...
 నా హృదయానికి మాత్రం 'గాయం' చేయకు సుమా ...!!!"


శ్రీ సాయి దాస్ 
(సూర్య చవాకుల)

నీ చిరునవ్వుకు దాసోహం

"పూల గుండెల్లో మాధుర్యాన్ని నింపే వసంతం 
తుమ్మెద మనసుల్లో యవ్వనాన్ని నింపే వసంతం 
కోయిల గొంతులో సరిగమలు చేర్చే వసంతం 
ప్రకృతి అందాలకు కుచ్చిళ్ళు సవరించే వసంతం 
కవుల, భావకుల, ప్రేమికుల హృదయాలను స్పందింపచేసే వసంతం 
చెలీ, కాదా మరి నీ చిరునవ్వుకు దాసోహం ...!!!"


శ్రీ సాయి దాస్ 
(సూర్య చవాకుల)

ప్రత్యక్షదైవం

“నవమాసాలు మోసి నాకు జీవితాన్ని ప్రసాదించావు

నా చిట్టి పొట్టి మాటలకు మురిసిపోయావు

నేను బుడి బుడి అడుగులు వేసినపుడు పొంగిపోయావు

దుఖం లో ఓదార్పువయ్యావు

తప్పుటడుగులు వేసినా  గుండెకద్దుకున్నావు

ఓటమిలో ధైర్యాన్నిచ్చావు 

గెలుపులో వెన్నుదన్నై నిలిచావు
నన్ను కంటికి రెప్పలా కాపాడి ఇంతవాడిని చేసావు 

ఎన్ని జన్మలు ఎత్తినా నీ రుణాన్ని తీర్చుకోలేను

అందుకే అమ్మా ...!

నిన్ను నా గుండెల్లో పదిలంగా భద్రపరచుకుంటాను

ప్రత్యక్ష దైవంలా  పూజించుకుంటాను ...!!!”

                                    శ్రీ సాయి దాస్ 

                           (సూర్య చవాకుల)

శృంగార రసాశ్వాదన

"నింగినుండి రాలిపడిన ఒక మంచుబిందువును 
ఒయ్యారంగా ఒడిసి పట్టి ...చిరుగాలి వీచినా చలించక 
భారం అనిపించినా తన గుండెపై ఓర్పుగా  నిలుపుకుని 
ఆనందిస్తున్న చిగురుటాకును చూసి కలిగిన భావన 
బహుశా ...
శృంగార రసాశ్వాదన అంటే అదేనేమో ......!!!"


శ్రీ సాయి దాస్ 
(సూర్య చవాకుల)

ప్రకృతి ... నా ప్రియనేస్తం ...!!!

"Nature is my lover ,
Which neglects me never...!!!"

"ప్రకృతి నా ప్రియ నేస్తం,
ప్రకృతి నా ప్రణయ సౌధం ... !
అమ్మ కడుపులోనుండి బయట పడగానే 
నన్ను ఆప్యాయంగా తన ఒడిలోకి చేర్చుకుంది 
కంటికి రెప్పలా కాపాడి నన్ను ఇంతటి వాడిని చేసింది ...!
అమ్మ కొట్టినప్పుడు ఒంటరిగా దుఖిస్తుంటే ,
చిరు గాలుల హస్తాలతో నా కన్నీటిని తుడిచి ఓదార్చింది ...!
చిన్నప్పుడు అందరూ ఒక్కటై 
నన్ను గెలిచేసినపుడు నేనున్నానంటూ 
ప్రేమగా తన అక్కున నిలుపుకుంది 
చదువురాలేదని మాష్టారు దండించినపుడు,
తనే ఒక బడిగా మారి ఎన్నో జీవిత పాఠం నేర్పింది ...!
నిరాశతో నేను దిగులుచెంది కూర్చున్నప్పుడు 
ఉషోదయాన ఆశల సూర్య కిరణాలను పంపి 
నాలో ఉత్సాహాన్ని నింపింది ...!
నేను అలసిన కన్నులతో భారంగా నిలిచినప్పుడు,
నిశీరేయిని సాగనంపి నన్ను నిద్రపుచ్చింది 
వేల పక్షుల కిలకిల రావాలను మేళవించి 
మధుర సంగీతాలుగా నాకు వినిపించి 
నా మౌనంలో వేదనను దూరం చేసింది ...!
ఎంత దూరం పయనించినా నా చెంతనే తానంటూ 
చిగురాకుల చిరులేఖలు పంపి నన్ను పలుకరిస్తుంది 
పూవులలో పరిమళమై నన్ను ఆహ్లాదపరుస్తుంది
సేలయేరులలో నీటి తుంపరలై నన్ను తాకుతుంది 
మంచు బిందువులా , జడివానలా 
నన్ను చేరి మురిపిస్తుంది ...!!!"  

శ్రీ సాయి దాస్ 
(సూర్య చవాకుల)

సైనికుడు

"Hats off my dear soldier ,
Live long my dear brother ...!"

" తల్లిని ప్రేమించిన వాడే దేశాన్ని ప్రేమించగలడు 
దేశాన్ని ప్రేమించిన వాడు ...ఈ సృష్టిలో దేనినైనా ప్రేమించగలడు...! 
తుపాకీ గుండెతో సాన్నిహిత్యం 
తన గుండెనూ ఒక ఇనుప తూటా గా మారిస్తే, 
తనలో సెంటిమెంటు సగమవ్వక ఏమవుతుంది ...!
తన వాళ్ళ ప్రేమానుబంధాలను 
ఉత్తరాలకే పరిమితం చేసుకొని,
భారతమాత ప్రేమను ఎర్రని అక్షరాలతో లిఖించగ
తన రక్తాన్ని సిరాగా చేసుకొని ,
తన చిరునవ్వులనే సుమాలుగా 
ధాత్రి పాదాలపై విరజిమ్మే త్యాగజీవికి  ఒక వందనం సరితూగునా ...!
సృష్టిలో ప్రతిజీవికి ప్రాణం అతివిలువైనది 
అటువంటి ప్రాణాన్ని యుద్ధభూమిలో బాణంగా సందిస్తే  
తన వారసుడిగా మనం చేయగలిగింది ఏమిటి ?
సంపాదనకోసం సైనికుడు అయ్యాడనుకుంటే , 
మరి సంపాదించింది   అనుభవించక 
తన ప్రాణాన్ని ఎలా నిస్వార్ధంగా త్యాగం చేస్తాడు ...!
గుర్తు తెలియని అక్షాంశ రేఖాంశాల చావు పల్లకి పై 
తన కన్నుల టార్చిలైట్లను వెలిగించుకొని 
నిదురమరచి ఒక నిప్పుకణమై రగిలే నిండు ప్రాణానికి 
ఒక నీరాజనం ప్రతిఫలం మౌనా ...!
వేడుకవ్వగ వసంతమైనా , గ్రీష్మమైనా ఒక్కటే 
సేదతీరగ ఎడారులైనా , సెలయేరులైనా ఒక్కటే 
సహనం అతని చిరునామా ... సమత్వం అతను కొసరు ప్రేమ 
మౌనంలో సైతం గాంభీర్యం .... ముల్లబాటైనా  పూల సింహాసనం ....!!!"

శ్రీ సాయి దాస్ 
(సూర్య చవాకుల)

నా మౌనం

" ఓ ప్రియతమా ...!
నీ భాషకు లిపి ఉంది
అది కొన్ని విషయాలను  మాత్రం చెబుతుంది
నా మౌనానికి లిపి లేదు
అయినా అది కొన్ని వేల భావాలను పలుకుతుంది ...!!!

సాయి బాబా ప్రేమ

కఫినీ వస్త్రం లో కనిపించే ఓ శాంతి కపోతం

భక్తుల మదిలో నిక్షీప్తమైఉన్న ఓ సజీవ దేహం...

ఈ అనంత సముద్ర్రాలు , ఆకాశం , నక్షత్రాలు

సూర్య చంద్రులు అతని ఉనికి ...

అతడే విశ్వ కర్త , సృష్టి కర్త

సమస్త ప్రపంచాన్ని భక్తీ కైవల్య ఊయలలో

డోల లాడించే మాతృమూర్తి

ఆయనకు నటనంటే ఇష్టం , ఆటలంటే ప్రీతి

అవే అతని భక్తి పరీక్షా సాధనాలు

ఐశ్వర్యాన్ని చిరిగిన వస్త్రాలలో దాచుకున్న పరమయోగి ...

ప్రేమతోనే దండించగల కరుణా సముద్రుడు

ఏ రుచీ లేని ఆహారాన్ని తానూ భుజిస్తూ

షడ్రుచులనూ భక్తులకు ప్రసాదించగల కరుణా మూర్తి...

తాను కటిక  నేలపై పవలిస్తూభక్తులకు

 పసిడి తల్పాలను అనుగ్రహించాగల దయా హృదయుడు...

బాబా అన్న ఒక్క పిలుపు చాలు... తనతో బంధుత్వం కలుపుకోవడానికి

సాయి అన్న ఒక్క నామం చాలు... సమస్త పాపాలనూ ఒక్కసారిగా త్యజించడానికి

ఈ ప్రకృతిలో వృక్షాలకు , పూవులకూ ఒక వసంతం ఉన్నట్లే

మన జీవితంలోనూ వెలుగు నింపే ఒకే తియ్యని వసంతముంది

అదే బాబా ప్రేమ ...!!!”

శ్రీ సాయి దాస్

(సూర్య చవాకుల)

ఆడపిల్లలు

"నేలతల్లి ఒడిలో నవ్వుతూ విరబూసిన
సుకుమారమైన గడ్డిపూలు ఆడపిల్లలు ...!
అందమైన ప్రకృతిలో తుమ్మెదలు ఝుమ్మంటూ 
ఆలపించే అమృత గీతాలు ఆడపిల్లలు ...!
సౌమ్యంలో చంద్రుని , ఔదార్యంలో భూదేవిని మించి,
నీలి నింగిలో తారాడే నవ తారకలు ఆడపిల్లలు ...!
కడలివాకిట ఎగిసే కెరటాలు 
కనుల ముంగిట మెరిసే రత్నాలు 
మనుసును రంజింప చేసే మధుర కావ్యాలు ఆడపిల్లలు ...!
కంటిపాపల్లాంటి ఆ ఆడపిల్లలు ,
ఒక్క కన్నీటి బొట్టు నేల రాల్చితే 
ధరణి గుండెల్లో ఇంకిపోయిన ఆ కన్నీటి చుక్కే 
మహా ప్రళయమై పైకి లేస్తుంది ...!!!"

శ్రీ సాయి దాస్ 
(సూర్య చవాకుల)

శభాస్ ... చంద్రబోస్ ....!!!

          "సుభాష్ చంద్రబోస్ ... భరతమాత గుండె చప్పుడు"

                                             

ఒకే ఒక్కడు ...!
కుటిల రాజకీయాలకు అతీతుడు ...రణరంగానికి అతి సన్నిహితుడు 
భరతమాతకు ముద్దు బిడ్డడు .... యువతకు  ఆదర్శవంతుడు 
అతని మాటకు పదునెక్కువ ... అతని బాటకు గరుకెక్కువ...! 
మాటల్లో ... చేతల్లో అంకిత భావం 
అజాద్ హింద్ పౌజ్  అతని ఆయుధం ...!
క్రమశిక్షణలో ఎదురులేని మనిషి 
న్యాయకత్వంలో తిరుగులేని మహర్షి ...!
సింగపూర్ , జపాన్ ,జర్మనీ 
ప్రాంతమేదైనా ... అదే గుండె నిబ్బరం
హిట్లర్ తో సైతం బేటి ఐన గుండె ధైర్యం...!
స్వాతంత్యం కోసం సంద్రాలను సైతం దాటి ,
భరత జాతిని ఒక్కటి చేసిన  వజ్రసంకల్పం 

'దేశ భక్తుల్లోకెల్ల గొప్ప భక్తుడు' అని 
గాంధీ చే కొనియాడబడిన వాడు ...!

అంతర్గత స్పర్ధలు మరచి గాంధీని సైతం  ''జాతిపిత" అని పిలువగల 
ఉన్నతమైన మనసున్న వాడు ...!

అందుకే ... అతడు అమరుడు ....!
దేశభక్తుల్లో అగ్రగణ్యుడు ...!!!

శ్రీ సాయి దాస్ 
(సూర్య చవాకుల)
  

నీ తలపుల లోగిలి లో ...ఒక్క సారి ...!!!

"ప్రియతమా !
ఒక్క సారి నీ తలపుల లోగిలిలో విహరించ నీయవూ ...?
నీ కనుల వాగులలో జలకమాడి ,
చక్కని నీ చెక్కిలితో సరసమాడి ,
మధురమైన నీ అదరాల పై కమ్మని అనుభూతులను
చిత్రించు కుంటాను ...!
చిరుగాలికే రెపరెపలాడే ,
నీ కురుల చప్పుళ్ళలో స్వచ్ఛమైన సంగీతాన్ని 
ఆలకిస్తాను ...!
ఒక్క క్షణం ... కమ్మనైన నీ పలుకులలో ఒదిగి,
నన్ను నేను ఆప్యాయంగా పలుకరించుకుంటాను ...!

ఒక్కసారి నీ చిరునవ్వుల పరిమళంలో నేను ఒలిగిపోయి ,
ఈ ప్రకృతి అంతా వ్యాపించి గుభాలించిపోతాను ...!
అందుకే ,
ప్రియతమా ఒక్కసారి నీ తలపుల లోగిలిలో విహరించ నీయవూ ...???

శ్రీ సాయి దాస్ 
(సూర్య చవాకుల )

స్నేహం ... ఒక అద్భుతం ...!!!

" అందమైన అక్షరాలను చూడగలం 
కాని , మధురమైన భావాలను కనలేo ...!
ఇష్టమైన నేస్తాన్ని తాకగలం 
కానీ, తీయనైన స్నేహాన్ని స్ప్రిశించాలేం ...!

భగవంతుడు ఈ సృష్టిలో కొన్ని అధ్బుతాలకు మాత్రమే 
రూపాన్ని ఇచ్చాడు.
 ఎందుకంటే ,
రూపమున్న ప్రతీదీ నశిస్తుంది కాబట్టి ...!
కానీ, ప్రత్యేకమైన స్నేహానికి మాత్రం ఆకారాన్ని ఇవ్వలేదు 
అందరి గుండెల్లో శాశ్వత మై నిలవాలని కాబోలు ...!!!"

చిలిపి ఆలోచన ...!!!

" ఒకోసారి... నన్ను చూసి నేను జాలి పడతాను 
ఎందుకంటే ...
నాకు నిన్ను ప్రేమించడం వచ్చు 
కాని , నీ ప్రేమను పొందడం రాలేదని ...!
మరోక్షణం...  నిన్ను చూసి జాలిపడతాను 
ఎందుకంటే ...
మరి నీకు నాప్రేమను పొందడం తెలుసు 
కాని , నన్ను ప్రేమించడం రాదుగా...!!!"

నీతోనే ...!!!

"నీ తోనే వెన్నలొచ్చే...
 నీతోనే వేకువొచ్చే 
నీవెంటే ప్రాణమొచ్చే ...
 నీ వెంటే గానమొచ్చే 
చెలీ ....
 నీవు రాక , నాకు  దుఖమొచ్చే ...!!!"

త్యాగం & స్వార్ధం ...!!!

"అందంగా , అమాయకంగా 
విరిసిన పూవుది త్యాగం ...!
ఆ అందాన్ని , 
తన అందంకోసం , ఆకర్షణ కోసం 
త్రుంచిన స్త్రీది కొంత  స్వార్ధం ...!!!"

సిగ్గు ... ఆ క్షణం ...!!!

సిగ్గు ... ఆ క్షణం 
" చిరుగాలికి ఆమె పైట చెదిరితే ఆ దృశ్యం 
ఈ ప్రకృతి తాను  స్రిష్టించిన అందాన్ని తనివి తీరా వీక్షించడానికి 
పిల్ల తెమ్మెరను పంపి ఆమె పైట చెంగును 
తొలగించినట్లు ఉంటుంది ...!!!"

ఓ ప్రియతమా ....!!!

ఓ ప్రియతమా ...!
కనులు చూడగలవు శూన్యం వరకు 
చెవులు వినగాలవు నిశబ్ద్రం వరకు 
ఈ రెండిటిని సమన్వయ పరచేది మనసైతే,
నీవు ఆ మనసులో పదిలమై 
దివ్యంగా నా కనులకు  కనిపించి 
మధురంగా నా చెవులకు వినిపించి 
మరుజన్మ వరకూ నను మురిపించవూ ...!!!

ప్రేమ ???

"ప్రేమ ఫలిస్తే పరిమళించే పుష్పం 
లేకుంటే ...
అదే ప్రేమ జ్వలించే కాష్టం ...!!!"

సందేశం ...!!!

             హ్యాపీ న్యూ ఇయర్ 

" చిత్రించుకో నీ జీవితాన్ని హృదయమనే రంగుల సౌధంలో 
అందంగా , అద్బుతంగా ...!
లిఖించుకో నీ ఆశయాలను నీ మనోఫలకంపై 
అక్షర సుమాలుగా,
ఫలించి, పరిమళించే మధుర స్వప్నాలుగా ...!
పాత సూర్యుడే అయినా ... పాత వెలుగే అయినా,
నేటి ఉషోదయంలో కొత్తదనముంది చూడు 
నీ జీవిత గమనానికి రధ సారధి నీవే 
నేడే నీవు కోరుకున్న వెలుగు వైపు పయనం సాగించు ....!!!

సాగిపోనీ ... నీ జీవన కవిత ...!!!

సాగిపోనీ నీ జీవన కవిత ...!!!
ఆనందపు శిఖరాలను అందుకుంటూ 
విషాదాల సంద్రాల్లో ఈదుకుంటూ ....

వినీల ఆకాశం గుండా 
కలనైనా వెనుచూడకుండా
సాగిపోనీ నీ జీవన కవిత ...!!!


ప్రకృతి కాంత లాలనలో 
సుప్రభాతపు నీడలో 
సేదతీరుతూ ... సెలయేరై పారుతూ 
సాగిపోనీ నీ జీవన కవిత ...!!!

చీకటి కుహరాలను చీల్చుకుంటూ 
చీకు చింతల సైన్యాన్ని గెల్చుకుంటూ 

అనుభవాల రహదారుల్లోంచి 
పెనుభయాల  పరదాల్లోంచి 
అడుగు బయటకు పెట్టి 
విజయం వైపు విల్లు ఎక్కుపెట్టి 
సాగిపోనీ నీ జీవన కవిత ...!!!


శ్రీ సాయి దాస్ 
( సూర్య చవాకుల )

ఒక చిన్ని కోరిక ...!!!

       ఓ చిన్ని కోరిక 

" పచ్చని ప్రకృతి ఒడిలో నీవు,
నీ నులి వెచ్చని కౌగిలిలో నేను ...!
వేగం పెరిగిన గుండె చప్పుళ్ళు 
వేడి సెగల నిట్టూర్పుల మధ్య
బరువెక్కిన కనురెప్పలు వాల్చి
ఒక్క క్షణం తనువులు మరచి 
తమకంతో ఒక్కటయ్యే అ తరుణం ఒక స్వర్గం 
ఓ తరుణీ నీ కరుణ ఉంటే ...!!!"

శ్రీ సాయి దాస్ 
(సూర్య చవాకుల) 

ఒక సారి నవ్వవూ ... ప్లీజ్ ...!!!

స్మైల్ ప్లీజ్ ...!!!

“వెన్నెల వేదికపైకి

చిరుగాలి నడచి వచ్చి ఇచ్చిన చల్లని సందేశంలా

వుంటుంది నీ చిరునవ్వు

చెలీ , నాకోసం ఒక్కసారి నవ్వవూ ?”

ఆడది ... ఒక ఆదిశక్తి ...!!!

‘ఆడది ఆదిశక్తి’

ఈ సృష్టిలో ఆది శక్తి ఆడది

ఎంతటి విజ్ఞానం అభివృద్ధి చెందినా

ఏ యంత్రమూ  మనిషికి జన్మనివ్వలేదు

ఒక్క స్త్రీ మూర్తి తప్ప ...

అటువంటి మగువకు జన్మను ఇవ్వడానికి ఈ సమాజం

ఎందుకు భయపడుతుంది ?

ఎవరో ఒక పండితుడు చెప్పాడు

కొడుకు పుడితే పున్నామ  నరకం తప్పుతుందని

అది ఒక  తరతరాల నమ్మకం ... !

ఎక్కడో ఒక అత్తగారు చెప్పింది  కుతురుపుడితే

అష్ట దరిద్రాలు అంటుకుంటాయని

 ఇదేమి విడ్డూరం...

మరి ఆమె ఒక ఆడదేనని మరచిపాయిందేమో!

 విజ్ఞానం మనిషి ఉన్నతికి ఉపయోగపడాలి

మరి అదే విజ్ఞానం  మూఢ నమ్మకానికి తోడై

స్కానింగ్ యంత్ర రూపంలో  పుట్టే ఆడ శిశువులను

ముందే  కనిపెట్టి చంపేస్తుంటే

మానవత్వం విలువ రూపాయి నోటు ముందు ఏ పాటిదని చెప్పాలి.

పొద్దు పొడిస్తే ధనలక్ష్మి చిత్ర పటాన్ని

ఒక్క క్షణం వీడని ఒక వ్యాపారి

తన ఇంట జన్మించబోయే మరో స్త్రీ లక్ష్మిని తిరస్కరిస్తాడెందుకో ?

ఇదే పోకడ గత చరిత్రలో ఉండి వుంటే...

ఒక ‘ఇందిర’ ఏవత్ భారతాన్ని పాలించి ఉండేదా ?

ఒక ‘కల్పన’ విశ్వ వీధులలో పయనించి విశ్వ కీర్తిని మనకు మిగిల్చేదా ?

విశ్వ మాత ‘మదర్ థెరీసా’ సేవామృతం ఈ మానవాళికి దక్కేదా ?

ఒక తల్లిగా , భార్యగా , కూతురుగా తన జీవితాన్ని  త్యాగం చేయడంలో

స్త్రీ మూర్తికి సాటి ఎవరు నిలువగలరు ?

కష్టాల కోసమేనా పాపం మగువ జీవితం ?

కన్నీటి కోసమేనా మరి ఆమె జననం ?

ఒకప్పుడు బాల్య వివాహాలు , సతీ సహగమనాలు ,

 పరదా ఆచారాలు ఆమె పాలిట ఉక్కు సంకెళ్ళు

నేడు జన్మించే హక్కే కరువై

మాత్రు గర్భమే సమాధిగా చేసుకున్న ఆమెకు న్యాయం చేసేది ఎవరు ?

అన్నింటా పురుషునితో పోటీ పడగల శక్తి

ఈ ధరణి పై జన్మించి జీవించే హక్కు ,

నిండు జగతిలో మాత్రు సుమమై పరిమళించే శక్తి

ఆ స్త్రిమూర్తికి గాక ఎవరికి  ఉంటాయి  ...!!!

శ్రీ సాయి దాస్ 

(సూర్య చవాకుల) 

నీవెంటే నా మౌనం ...!!!

 YOU PRESENCE  MY IS SILENCE 

ప్రకృతి ... ప్రేమ ...!!!

LOVE NATURE 

కల కన్నా కష్టం మిన్న ...!!!

DREAMS NEXT ... ACTION FIRST

ప్రేమ మహల్ ... తాజ్ మహల్ 

నీవు ఒక తీయనైన తెలుగు పదం ...!!!

YOU ARE MY SWEET TELUGU WORD 

చెలీ ... నీవొక అద్భుతం ...!!!

wow... you are wonderful 

తియ్యని అనుభూతి 

అమ్మ